تبليغاتX
...قالدیریم آیاقلارینین آلتیندا

 

Hadi qaraçay

 

Sevimli Səməd, sənin başının necə şuluq olduğunu, vaxtının necə darısqal olduğunu bildiyim üçün, bu yazı mənə iki qat etgi buraxdı. Sayın dostum S.H.Bayat demişkən : iki saat, üç saat vaxt ayırıb bir yazı yazırsan, oxucu 2 dəyqəyə oxuyub üstündən sovuşur. Bu darısqal vaxt içində bu yazıya neçə saat ayırdığını bilmirəm, ancaq dediklərin, yazdıqların olduqca məntiqə uyqun, olduqca yeni faktlarla dolu bir yazıdır. Özəlliklə örnək götürəcəiyimiz ədəbiyat üstündə və olduğumuz zaman aşamasının önəmli bir mərhələ bir aşama olduğunu çox doğru vurğulamısan.
Öz adımdan hardasa Azərbaycan Respoblikasının ədəbiyatını özümüzə örnək götürməliyik deyə nə demişəm nə də yazmışam, nə də bu düşüncədə olmuşam. Sən sevimli qardaşımın mənim adımdan belə bir anlayışa hardan, hansı yazımdan hansı sözümdən çatdığını anlamadım.
Bir çox yerlərdə olduğu kimi kəsinliklə Azərbaycan Respoblikasında da yaradıcılıq fakultəsinin olduğunu bilirsiniz. Bu fakultələrin olmasına nə qarşı olmuşam, nə də gələcəiyin ədəbiyatını bu fakultələrdən çıxanların əlində olacağına ınanmışam. Teknikin öyredildiyini, öyrənildiyini savunuram. Teknikin yalnız ədəbiyatda deiyil bütün bilimlərdə önəmli yeri olduğu dartışılmazdır. Ancaq sən sevimli dostum bütün tekniklərin allahını gətir bizə iki qalarqı şeir yazsın. Atalar demişkən: ” hər oxuyan Molla Nəsrəddin olmur” . Sənin də belə bir anlayışda olmadığını bilirəm. Doğru olaraq ”tekniki yüz kişi öyrənər bir kişi işə tutar” deyəcəksən 

. Burasınacan ikimizdə bir düşüncədəiyik. Onda ədəbiyatın nisbiliyi harda qalır deyə soruşa bilərsən. Öz ədəbiyatımızda diri bir örnəiyim olmadığından fars dilindən örnək verim. Sayın Q.H.Saedi, S.Hidayətin yazdığı ünlü ”Se qətre xun” öyküsü üzərinə, ADİNE dərgisinin 76.cı sayısındakı, Mahmud Qolbatenlə danışığında : ” se qətre xun və Zende bequr saxtemane qesse nədarənd. İnha qesse nistənd ” deyir” . Fars ədəbiyatının başqa bir qütbü olan sayın R.Bərahəni isə eyni öykü üzərinə : ”se qətre xun şahkare sadeq hedayət əst” deiyir. Sayın Bərahəninin yazısının qaynağı əlimdə olmasa da sevimli Səmədin bunu sayın Bərahənidən bir başa öyrənə biləcəiyini yaxşı bilirəm. Nisbilik qonusu yalnız ədəbiyat deiyil bütün bilim alanlarında, götürülən ölçülərə öz etgisini qoymuş, təsdiqini tapmış bir anlayışdır. Mütləq deyə ınanacağımız hansıysa bir anlayış yoxdur.
Sözümü qısaltsam, sevimli Səməd, gəlişmiş, teorizə olmuş bütün ədəbi cərəyanların dilimizə axtarılması, çevirisi bir gərəkim bir zərurətdir deyə sənə qoşuluram. Bu yeni teorilər, yeni cərəyanlar bizə də başlar içində baş olmağa yardımçı olacaq deyə sənə qoşuluram. Azərbaycan Respoblikasındakı günümüzün ədəbiyatı bizə bir yetərli, yararlı ”seçənək” deiyl deyə sənə qoşuluram. Ədəbiyatın bir qanadı ədəbiyatçının kişisəl birikimi, yaşamdan, ölümdən, insandan, varlıqdan olan kişisəl anlayışıdırsa ikinci qanadı işə tutduğu teknikdir deyə sənə qoşuluram. Ancaq, yalnız ədəbiyat deyil bütün varlığın varlığı nisbi anlayış daşıdığına ınanıram

özəlliklə də ədəbiyatı. Ədəbiyat alnında bütün ədəbiyatçıların, ya bir çox ədəbiyatçının səs bir olacağı meyar bir ölçünün olmadığına və beləliklə də istənilən mətnin dəyərləndirilməsində aydın bir nisbiyətin hakim olduğuna ınanıram. bu anlayışlar Hadi Qaraçayı duyğusal birisi edirsə, duyğusallığımı da boynuma alıram.
Son olaraq açdığın bu dəyərli dartışma üçün sən sevimli qardaşıma bir daha sağollar deməliyəm. Ədəbiyatımızda bu sayaq dartışmanın dəyərini bildiyim üçün sənə ancaq içdənliklə sağ ol deyə bilərəm.

 Sevgilərimlə


+ یازیلدی Thu 27 Nov 2008ساعات 22:24
ائلياد موسوي قونو: |

qaldirim

ائلياد موسوي

qaldirim

http://qaldirim.blogfa.com

...قالدیریم آیاقلارینین آلتیندا

...قالدیریم آیاقلارینین آلتیندا - یازینیمیز اوزره یازیلار2

...قالدیریم آیاقلارینین آلتیندا

آنلام لار ساواشی دير شعر، يوخسا سؤزجوك لر باريشی؟ آنلام لار ساواشی دير شعر، يوخسا سؤزجوك لر باريشی؟

...قالدیریم آیاقلارینین آلتیندا

قالب بلاگفا

قالب پرشین بلاگ

قالب وبلاگ

Free Template Blog