ائلیاد موسوی
سئویملی همت بی قالدیریم دا گئدن دانیشیقلاری دوشرگه ده یایینلاماقلا منه ده بو دانیشیقلارا قاتیلماق اولاناغی(ایمکانی)یاراتدی. اللری وار اولسون.
1
سئویملی دوستوموز صمد پور موسوی جنابلارینین قالدیریمدا گئدن مکتوبونو بیر نئچه یول اوخوموشام منجه بو یازی صمد پور موسوی نین ادبیاتیمیزا نئجه دیققتلی یاناشماغینی گؤسته ریر . ائله صمد بییین بو یازیدان اؤنجه قالدیرمین کامئنت لرین ده یازدیغی نظرلرده اولدوقجا فایدالانمالی اولدوقجا یارارلیدیرلار آنجاق من بو یازیدا دئیدیییم یازیلارا قارشی دورمادان اوردا گئدن بیر سیرا آنلاملارین اؤنونه سورو سیمگه سی آرتیرماق ایسته ییرم.
2
منجه صمدین یازیلاریندا اساس سؤز ادبییاتین علمی لشمه قونوسوندان گئدیر.هادی قاراچاییین طرفیندن ادبییاتین نسبی اولدوغونو وورغولاماق صمدی راضی ائله میر.مخلبافین منتقدین دئدیکلرینی باشا دوشمه مه یینی آچیقلاییر و سونرا دوزدویو فرض لردن کسگین حوکم لره یئتیشیر.بیزیم ادبییاتیمیزین دونیا ادبییاتینا قاتیلماسینی سئومه یه نین آتاسینا لعنت آنجاق من ایسته ردیم دونیا ادبییاتینین نه اولدوغونو باشا دوشوم.
رابیندرانات تاگور، اوکتاویو پاز، ماریناتسوه تایوا،فئدریکو قارسیا لورکا و...
دونیا ادبییاتی بونلارین هانسی دیر ؟
اوخولدا درس اوخویان زامان ایدمان ساعاتلاریندا بیر اؤیون اؤینایا ردیق .بیر نفر بیر تیکه آغاجی گؤتوروب تامام سورعتله قاچیب و او آغاجی قاباقدا دوران باشقاسینا وئرردی و اودا اوبیرسینه و اودا اوبیرسینه... او آغاج هر آن فرقلی گئییم ده اولان فرقلی اخلاقدا یئریش ده اولان بیریسینین الینه دوشوردو .
بیز نه یی توتماق ایسته ییرک ؟آغاجی؟یوخسا او آغاجی الینده آپارانلاری؟
قالدیرم و دوشرگه ده اولان یازیدا بئله بیر تومجه لرله راسلاشیریق:
"دئمک ایسته دیییم اورتادا بیر شئی یوخدورسا هر شعر یازان دونیانین ان گوجلو شاعیری و هر منتقد ده دونیانین سون سوزونو دئین اولار."
بویوردوغونوز دوزدور آنجاق بو تومجه نی بیر آزجا دئیشیب بیر داها اوخویاق.
دئمک ایسته دیییم اورتادا بیر شئی واردیرسا دونیانین ان گوجلو شاعیرینی و سون سؤزونو دئیه ن منتقیدینی بیزه تانیتدیرینیز لوطفن
منجه او بیرینجی لیک(بیرینجی لیک؟)هر آن فرقلی بیر آدامین الینده فرقلی بیر یولو گئتمه کده دیر
3
ایندی بیلیم و تکنیکین هانسیسا بیر اؤنمی یوخدورمو؟
بو سورویا گلدیک ده ایضاح ائتمه لییه م کی من بو سطیرلرده یالنیز بیر اوخوجو وشاعیر کیمی دانیشیرام و بیر چوخونون منتقیدلرین بئله دوشونمه مه یه حاقلی اولدوقلارینادا گرچک دن اینانیرام.
باشدا گئدن سورونون اؤنجه سینه گئدک.
أ. بیلیم و تکنیک دئیه نده هانسی بیلیمی هانسی تکنیکی نظرده توتوروق؟سیزین بویوردوغونوز منتقیدین سؤزونو باشا دوشمه ییب اونو زحمته سالان مخلبافین نئچه معتبر اؤدول صاحیبی اولدوغونو سیز مندن یاخشی بیلیرسینیز بو بیرسی تایدان کیارستمی نین ده بو ایل کن فئستیوالندا کنین پروفئسسیونال موخاطب لرینین طرفیندن هو اولدوغونو دا ائشیدیبسینیز یقین بلکه ده گؤربسونوز ائله.
ب. چارلز بوکئفسکی ائله دییی موصاحیبه لرینین بیرینده آمئریکالی منتقیدلرین اونون یازیلاریلا نئجه موخالیف اولدوغونو ایقرار ائدیب آوروپالی اوخوجو ومنتقیدلرین طرفیندن سئویلدیینی وورغولاییر.آمئریکالی منتقیدلر ادبییات بیلیمیندن اوزاقمیش لار؟یوخسا آوروپالی لار؟(مندن سورسانیز دئیه رم هئچ بیری)
ت. ائله سیز بویوردوغونوز او مدرن دونیادا یئرلشن فاکولته لرین بیرسینده بیلیم درسی دئیه ن هابرماس بیلیمین بیلیم اولمادیغینی وورغولاییر.بودریار ایسه فوکونو یاددان چیخار کیتاب –موصاحیبه سینده بیله رکدن یارانان یئنی لییین و گؤزللییین اؤلومه محکوم اولدوغونو دئییر(مضمون دئییشی).
ایندی ایسه باشدا گئدن سورونون اؤزونه دؤنه ک:ایندی بیلیم و تکنیکین هانسیسا بیر اؤنمی یوخدورمو؟
أ. منجه بیلیم و تکینیکی بیلیمه ک بو گونکو دونیادا یازیچی اولماق اوچون بیرینجی شرط دیر آنجاق بو قارماقاریشیقلارین ایچینده اولان سؤزلرین هئچ بیرسینین سؤن سؤز اولمادیغینا اینانمالییق .
ب. "بابام منه کؤر دئییب هر گله نی وور دئییب " بوتون یوزوم لارلا یانلیش بیر سؤزدور(یانلیش بیر سؤزدور؟).
ت. ائستئتیکا گئنیش بیر آنلام دیر.مارکزله یوسا،اوکتاویو پازلا پابلو نئرودا بیر-بیرلریله ووروشسالاردا اونلارین هامیسیندان ائستئتیک دیرلری آنیمساماق اولار. فرقلی آدام لار فرقلی بیلیم لردن یارارلانیب فرقلی گؤزللیک لر یارادیب و فرقلی آداملار اونا دیه ر وئریرلر.
ث. بیزیم بو گونکو موسیقی میزده اورکئستر لریمیزده ویولون سسی پیانو سسی گیتار سسی ائشیدیلیرسه تار سسی کامانچا سسی ده ائشیدیلمه لیدیر یوخسا دونیا بیزی ائشیتمه یه مارقلانمایاجاق(؟).( دئدیییمین نه ربطی وار بو بحثه؟)
ج. بیز مدرن ده اولاجاییق پست مدرن ده اولاجاییق آنجاق اؤزوموز کیمی اولاجاییق بو سؤزو رضا براهنی دن اؤیرنمیشم.
سئویملی صمد بی بیلدییینیز کیمی بورایا(اوچونجو دونیایا؟) هر نه گئج یئتیشیر اونونچون بیز بورادا بیر چوخ اؤنملی اولای لاردان خبرسیز اولوروق آنجاق اورادا باتی اؤلکه لرینده ائستئتیک دیرلری ده باشقا شئی لر کیمی گؤزل بویالی قاب لاردا بسته بندی ائدیب لرسه لوطفن اونو بیزیم الیمیزه چاتدیرانماسازدا اونون بسته بندی سینین مارکاسینین نه اولدوغونو، هانسی کومپانینین طرفیندن یاینلانماسینی بیزه دئیین اونون شکیلینی بیزه یوللاماسازدا اونون بازاردا اولدوغونون خبرینی بیزه یازین من ده عوضینده سؤز وئریرم بوردا ائله اؤز عنعنه وی (گئری قالمیش؟) رسم لریمیزله اونون یاسینی توتوب مراسیماتین شکیلینی سیزه یوللاییم. (ضارافات)
(ضارافات؟)
....
ادبییاتیمیزین اوزونه بو دانیشیق لاری آچدیغینیزا گؤره سیزه چوخ چوخ ساغ اوللار دوشور.
سئوگی و سایغیلاریملا
ائلیاد موسوی
3/21/2009 - 4/20/2009
12/21/2008 - 1/19/2009
11/21/2008 - 12/20/2008
10/22/2008 - 11/20/2008
9/22/2008 - 10/21/2008
آرشيو
یاشماق
نادیر ازهری - نگین نواده رضی
همت شهبازی
آیدین آراز
بایقوش
باراز
ائلناز ایسلاموند
سیما دیدار
علیرضا آقازاده (نیسگیللر)
یواداش صحیفه لر
زامان
یازینیمز اوزره یازلار 6
يازينيميز اوزره يازيلار5
یازینیمیز اوزره یازیلار4
یازینیمیز اوزره یازیلار3
آیخان علیزاده
مسیح آقا محمدی
چاغمورلو
رامین جهانگیر زاده
محمد صفری
آیدین آراز
فتح الله ذوقی
حامید احمدی
خ وعیدی
محمد قضایی
صالح سجادی
دومان اردم
قرنفیل
علیرضا سیف الدینی
علی عباسی
حميد آصفي
بهروز صدیق
رضا کاضمی
لیدا احمدی
محمود مهدوی
اوچ سايين شاعير
ارسطو مجرد
آرش ساعي
آيدين يارين
ساوالان قيزي
مصطفي شيخ پور
اكبر شفيعي
سيد حيدر بيات
جعفر بزرگ امين
آتيلا اسكنداني
غفور تقي اوغلو
سامان حسن زاده
مين بير اؤيكو فستيوالي
چاغداش
رسول یونان
هجر
اولکر اوجقار
سید جواد ابوترابی
بهمن خادم
اولدوز صادق
زهرا نعیمی(فلسفه)
بوتون باغلانتیلار